नेपाली उपन्यासको इतिहास सर्वेक्षण गर्ने मानक कृति - नेपाली उपन्यासको इतिहास - सर्जक प्रा. डा. खगेन्द्रप्रसाद लुइटेल

नेपाली उपन्यासको इतिहास सर्वेक्षण गर्ने सन्दर्भमा विभिन्न विद्वानहरूले विभिन्न समयमा खोजमूलक कृतिहरू प्रकाशन गरेता पनि नेपाली उपन्यासको इतिहासको निर्धारण गर्न सफल एवम् उपन्यासको इतिहासका सम्बन्धमा मानक कृति र उपन्यासको सर्वेक्षण गर्न सफल भएको कृति – नेपाली उपन्यासको इतिहास – रहेको छ । मैले यस कृतिलाई आधार मानेर नेपाली भाषामा लेखिएका ३०० भन्दा बढी उपन्यासहरूको अध्ययन गर्ने अवसर पाएँ । जसमध्ये ५० वटा भन्दा धेरै उपन्यासको अडियोसमेत निर्माण गरेको छु भावी पुस्ताका लागि सुन्न सजिलो होस् भनेर । यति हुँदाहुँदै प्रस्तुत कृति नेपाल प्रज्ञा–प्रतिष्ठानबाट प्रकाशित भए पनि २०६९ सालमा प्रकाशनमा आएको र त्यसयता नेपाली उपन्यास साहित्यमा धेरै उपन्यासहरू लेखिएकोले अहिलेसम्मका उपन्यासहरूसमेतलाई अध्यावधिक गरी नेपाल प्रज्ञा–प्रतिष्ठानले यो शोधमूलक कृतिलाई नवीकरण गरी प्रकाशन गरोस् भन्ने चाहन्छु । नेपाली उपन्यास अध्ययन गर्ने क्रममा विभिन्न कोणहरूबाट नेपाली उपन्यासको अध्ययन गर्दा, मेरो दृष्टिकोणमा लीलाध्वज थापाको – मन – उपन्यास निकै नै उत्कृष्ट रहेको देखिन्छ । यस शोधमूलक ग्रन्थ –नेपाली उपन्यासको इतिहास – का सर्जक प्रा. डा. खगेन्द्रप्रसाद लुइटेलको कृतिगत योगदान नेपाली उपन्यास साहित्यमा सदैव महत्वपूर्ण रहनेछ ।

उपन्यास विक्रम र नौलो ग्रह रमेश विकल

बखतबहादुर थापाको इलेक्ट्रोनिक्स विषय भएको उपन्यास - जङ्गेको डायरी Bakhat Bahadur Thapa #gangabhetwal