लघुकथा : महायोजन
डा. विदुर चालिसे
बोलाउँदा बोलाउँदा आवाजहरू सुकिसकेको थियो । उठ्न नसकेर थचक्क बसेको पिल्सिएको मनमा एउटा प्रश्न थियो ।
––“यो भवसागर तार्ने को होला ?“
क्रन्दन, क्षोभ, भय, भड्काव र भताभुङ्ताले जो कोही पनि अब चयनले बाँच्ने अवस्था थिएन । एकदिन उसलाई मनमा खुब सुर्ता लागेर आयो ।
––“अयोग्यताको जाँच कसरी गर्ने ?“
––“मायाले जाँचेर !“
––“मायाको जाँच भन्नाले ?“
––“उसको प्रमाणीकरण !“
––“त्यसो भए विश्वविद्यालय आफै फेल !“
नेपथ्यबाट योग्यताको काइते जाँच गरिदिएर घरको न घाटको भएको पीडक प्रज्ञान प्राध्यापकले सचसच बयान दिँदै भने ।
––“योग्यताको जाँच फल र मायाको नाच फल जाँच्नेले दिने हो कि अयोग्य जँचाउनेले !“
––“परमभाव नियम कानुनले !“
––“अनियमित कानुन पनि हुन्छ त ?“
––“जब कर्तव्य पागल हुन्छ, तब कानुन मायाले अनियमित र पागल हुन्छ !“
यस्तै सवाल जवाफ नेपथ्यबाट आइरहेको थियो । योग्यताको प्रदर्शन महायोजनबाट सुरू गर्ने कुरा अब सर्वत्र गुन्जिएको थियो । जब यस्ता विचारहरू गणाधिपतिहरूमा आयो । तब छेउछाउमा अनेक रूपका महायोजन अयोग्यहरू देखिए !
––“भ्यालेण्टाइनका महाराजा, महारानी, महामाया, महामन्त्री, महाप्रभु र महादयाका श्रीपेचहरू !“
अजात शत्रुसँग भ्यालेण्टाइन पर्वको दिन थियो । दसा लागेर माना सामल भरिरहेका एकराजले एक दिन विज्ञप्तीमार्फत जानकारी दिए ।
––“सक्छौ भने आफूलाई पागल प्रेमीको घोषणा गर !“
नेपाली भूलचुक अधिकारीहरूको वेभसाइटमा जवाफ स्क्रोल भइरह्यो ।
––“आज भ्यालेण्टाइन दिन हो !“
––““महायोजन !“
––“सर्वत्र छुट छ !“
... 🖉 डा. विदुर चालिसे
more stories
No comments:
Post a Comment